Hanggang Langit lyrics

HANGGANG LANGIT

Naging hangarin ko ang minsa’y marinig

Kahit sabihin pang bingi ang daigdig

Wala na nga bang dahilan kung bakit ba

Mayroong tinig, abot langit

Puti’t itim pala ang kulay ng mundo

Pikit mata pa rin ang lakad ng tao

Nagbabakasakaling marating niya’y paraiso

Koro:

Dinggin mo ang aking himig

At yakapin mo ng palad at bisig mahigpit

 Singwagas nitong awit  Ibabangon ka

Abutin man ng magdamag ang iyong luha

Maglaho man ang iyong pintig sa lumikha

Ihahatid hanggang langit ng musika at ako

Minsa'y nalaman kong ako’y nag-iisa

Kadalasan pala tayo’y kani kaniya

At ang haligi ng tindig ko’y mahuna

Tulad ng sa’yo, masdan mo

Sadyang busilak ang liwanag sa dilim

Bawat dapit hapon may bukas na angkin

Wari'y hamog at bahagharing may pangako at lihim

(ulitin ang koro)

Composer:
Dr. Joel Navarro

Original Version Singer:
Nonoy Zuñiga

P.S.
May isang linya pong binago ang Fiat Serviam Choir sa kantang ito para po maitema sa kantang pangsimbahan.
Pero ito po ang orihinal na bersyon ng kantang ito. :)
I-click dito para makita.